ਕੁਰਸੀ ਦੇ ਆਲੇ ਦੁਆਲੇ
‘ਈਵੀਐੱਮ’ ਦੀ ‘ਗੁੱਝੀ’ ਗਣਿਤ ਹੋਵੇ !
‘ਈਵੀਐੱਮ’ ਦੀ ‘ਗੁੱਝੀ’ ਗਣਿਤ ਹੋਵੇ !
ਗੱਲ ਨਹੀਂ ਐਂ ਹਫਤੇ ਮਹੀਨਿਆਂ ਦੀ
‘ਜੱਗੋਂ ਤੇਰ੍ਹਵੀਂ’ ਦੇਸ ਵਿਚ ਨਿੱਤ ਹੋਵੇ।
ਪਾਣੀ ਪੀ ਪੀ ਕੇ ਕੋਸਿਆ ਹੋਏ ਜਿਹਨੂੰ
ਜਿੱਤਣ ਸਾਰ ਫਿਰ ਉਸੇ ਦਾ ਮਿੱਤ ਹੋਵੇ।
ਆਖੀ ਲੀਡਰ ਦੀ ਮੰਨੀਏਂ ਸਹੀ ਕਿੱਦਾਂ
ਕਿਹੜੀ ਸੱਚ ਤੇ ਕਿਹੜੀ ‘ਕਥਿੱਤ’ ਹੋਵੇ।
ਹਾਕਮ ਕਹਿੰਦੇ ਨੇ ‘ਸੱਤਯ ਮੇਵ ਜਯਤੇ’
ਅਮਲੀ ਤੌਰ ‘ਤੇ ਕੁਫਰ ਦੀ ਜਿੱਤ ਹੋਵੇ।
ਜਿੱਤਣ ਲਈ ‘ਸਕੀਮ’ ਨੂੰ ਵਰਤ ਲੈਂਦੇ
ਜਿਹੜੀ ਲੋਕਾਂ ਦੇ ਯਾਦ ਨਾ ਚਿੱਤ ਹੋਵੇ।
ਉਹ ਫਿਰ ‘ਜਿੱਤਦੇ ਜਿੱਤਦੇ’ ਹਾਰ ਜਾਂਦੇ
‘ਈਵੀਐੱਮ’ ਦੀ ‘ਗੁੱਝੀ’ ਗਣਿਤ ਹੋਵੇ !
ਤਰਲੋਚਨ ਸਿੰਘ ‘ਦੁਪਾਲ ਪੁਰ’ 001-408-915-1268
