ਦੇਸ ਕਨੇਡਾ ਮਾੜਾ ਨੀ , ਮਿਸ managment ਨੇ ਮਾਰਤੇ 

    ਕਨੇਡਾ ਦੇ ਦੁਖੜੇ 

**********************************

ਲੱਖ ਬੰਦਾ ਸੀ ਚਾਹੀਦਾ ਪਰ , ਦੋ ਲੱਖ ਯਾਰੋ  ਸੱਦ ਲਿਆ 

Ship ਤਾਂ ਮਿੱਤਰੋ ਡੁੱਬਣਾ ਸੀ ਜਦ ਓਵਰਲੋਡ ਹੀ ਲੱਦ ਲਿਆ 

ਗੱਡਾ ਕਿੱਦਾਂ ਤੁਰਨਾ ਸੀ ਜਦ , ਵਾਧੂ ਬੰਦੇ ਚਾਹੜਤੇ 

ਦੇਸ ਕਨੇਡਾ ਮਾੜਾ ਨੀ , ਮਿਸ managment ਨੇ ਮਾਰਤੇ 

***************************************

ਪੈ ਗਿਆ ਦੱਬ ਮਰੀਜ਼ਾਂ ਦਾ ,ਕੋਈ ਡਾਕਟਰ ਲੱਭਦਾ ਨਹੀਂ 

ਓਵਰਲੋਡ ਕਲਾਸਾਂ ਨੇ ,ਕੋਈ ਮਾਸਟਰ ਲੱਭਦਾ ਨਹੀਂ 

ਕਿੱਦਾਂ ਪੜੂ ਸਟੂਡੈਂਟ ਜਿੱਥੇ , ਬੱਚੇ extra ਵਾੜਤੇ 

ਦੇਸ ਕਨੇਡਾ ਮਾੜਾ ਨੀ , ਮਿਸ ਮੈਨਜਮੈਂਟ ਨੇ ਮਾਰਤੇ 

************************************

ਬੇਰੀ ਤੋੜਨ ਮਾਪੇ ਆ ਕੇ , Vistor ਵੀਜ਼ੇ ਤੇ 

ਦਿਨ ਵੇਲੇ ਧੀ ਪੜ੍ਹਦੀ , ਰਾਤੀਂ ਜਾਂਦੀ ਪੀਜੇ ਤੇ 

ਚੁਗਦੀ ਫਿਰਦੀ ਦੁਨੀਆ ਰੱਬ ਨੇ , ਜਿੱਥੇ ਚੋਗ ਖਿਲਾਰਤੇ 

ਯਾਰ ਟਰੂਡੋ ਲੋਕੀਂ ਤੇਰੀ , ਮਿਸ ਮੈਨਜਮੈਂਟ ਨੇ ਮਾਰਤੇ 

**********************************

ਲੈਂਡ ਵੇਚਤੀ ਬਾਪੂ ਨੇ , ਪੁੱਤ ਵਿਚ ਕਨੇਡਾ ਭੇਜਤਾ 

ਔਖੀ ਲਾਈਫ਼ ਸਟੂਡੈਂਟ ਦੀ , ਪੁੱਤ ਖੱਦਰ ਵਾਂਗੂੰ ਲੇਹੜਤਾ 

ਹੁਣ ਗੈਸ ਪੰਪ ਤੇ ਮੁੰਡਾ ਆ ਕੇ ,ਕੋਕਾ ਕੋਲਾ ਵੇਚਦਾ 

ਪੀ ਆਰ ਦੇ ਰੱਬਾ ਮੈਨੂੰ , ਨਿੱਤ ਹੀ ਮੱਥੇ ਟੇਕਦਾ 

ਫੋਰਡ ਟਰੈਕਟਰ ਛੱਡ ਕੇ , ਬੈਠਾ ਫੋਰਕਲਿਫਟਾਂ ਤੇ 

ਬੁੱਲਟ ਉੱਤੇ ਜੋ ਰਹਿੰਦਾ ਸੀ , ਹੁਣ ਰਹਿੰਦਾ ਸ਼ਿਫਟਾਂ ਤੇ 

ਚੰਦਰੀ ਭੁੱਖ ਕਨੇਡਾ ਦੀ ਨੇ , ਵੱਸਦੇ ਪਿੰਡ ਉਜਾੜਤੇ 

ਦੇਸ ਪੰਜਾਬ ਨੀ ਮਾੜਾ , ਇਹਦੀ ਪੌਲਟੈਕ੍ਸ ਨੇ ਮਾਰਤੇ 

*********************************

ਘਰ ਦਾ ਮਾਲਕ ਅੱਖਾਂ ਵਿਚੋਂ, ਹੰਝੂ ਸਿੱਟਦਾ ਏ 

ਜਿਹੜਾ rent ਤੇ ਰਹਿੰਦਾ ਮਿੱਤਰੋ ,ਉਹ ਵੀ ਪਿੱਟਦਾ ਏ 

ਵਿਚ ਕਨੇਡਾ ਕਰਜੇ ਮਿਲਦੇ , ਜੌਬਾਂ ਮਿਲਦੀਆਂ ਨਹੀਂ 

ਡਾਣਸੀਵਾਲੀਆ ਪਿੰਡਾਂ ਵਰਗੀਆਂ, ਮੌਜਾਂ ਮਿਲਦੀਆਂ ਨਹੀਂ 

ਬਰਫ ਚ ਲਾਤੇ ਰੈਂਟਾਂ ਨੇ , ਤੇ ਮੌਰਗੇਜਾਂ ਨੇ ਸਾੜਤੇ 

ਦੇਸ ਕਨੇਡਾ ਮਾੜਾ ਨੀ , ਮਿਸ ਮੈਨਜਮੈਂਟ ਨੇ ਮਾਰਤੇ